तथास्तु इलेक्ट्रोस्टॅटीक सिस्टिम

आपल्याला निसर्गाचा नियम माहीत आहेच, विरूध्द प्रभार परस्परांकडे आकर्षिले जातात आणि सारखे प्रभार एकमेकांपासुन त्यांच्यातील उर्जेच्या प्रमाणात परस्परांपासुन दूर ढकलले जातात.

ह्या अगदी साध्या तत्वावर इलेक्ट्रोस्टॅटीक ब्लोअर काम करतात. तथास्तु सर्विसेस ह्यांनी तज्ञ शेतक-यांबरोबर दोन वर्ष सतत अभ्यास करुन परदेशांतुन आयात केलेल्या अनेक उपरणांबरोबर तुलना करुन अगदी उत्कृष्ठ स्वरुपाचे परिणामकारक इलेक्ट्रोस्टॅटीक स्प्रेईंग ब्लोअर तयार केला आहे.

आपल्या नेहमीच्या वापराच्या ब्लोअरवर तथास्तु इलेक्ट्रोस्टॅटीक बसविता येतो. त्यासाठी तुम्हाला खुप खर्च करण्याची आवश्यकता नाही. फक्त तथास्तुचे इलेक्ट्रोस्टॅटीक मशिनचा वापर करुन तुम्ही इलेक्ट्रोस्टॅटीक स्प्रेअरचे फायदे मिळवू शकतात. आपल्याजवळ असलेल्या ब्लोअर बद्दलची संपुर्ण माहीती आपल्याला असते. तसेच त्याबरोबर एकरी क्षेत्रासाठी पाण्याचा वापर, PTO शाफ्ट, स्प्रेअर नोझल, पाण्याला वापरलेले प्रेशर, ट्रॅक्टरचा स्पीड, आपण ह्याच माहीतीच्या आधारावर आजपर्यंत चांगल्यात चांगले स्प्रे घेतलेले असतात. आता ह्याच अनुभवामध्ये तथास्तु इलेक्ट्रोस्टॅटीकचा वापर करुन अजून उत्कृष्ट प्रकारचे उत्पादन मिळवु शकतात. अशा प्रकारे कमी किमतीत इलेक्ट्रोस्टॅटीकचा फायदा मिळवता येतो.

ह्या सिस्टिममध्ये तीन भाग पडतात.

उच्च विद्दुतप्रवाह तयार करणारे इलेक्ट्रोनिक्स युनिट – ह्या युनिटसाठी लागणारा विद्दुतप्रवाह ट्रॅक्टरच्याच बॅटरीमधुन घेतला जातो. ज्यामध्ये सर्व विदेशी इलेक्ट्रोस्टॅटीक युनिट करतात अगदी त्याचप्रमाणे ह्या युनिटला तीन प्रकारचे कनेक्शनस् आहेत, पहिले बॅटरी पासुन घेतलेला विद्दुतप्रवाह, दुसरे कंट्रोल युनिटला जाणारी वायर वायर आणि तिसरे कनेक्शनस् उच्च दाबाच्या इलेक्ट्रोडकडे जाते.

कंट्रोल युनिट – कंट्रोल युनिटला दोन इंडीकेटर (दर्शक) आहेत एक बॅटरीमधुन येणा-या विद्दुतप्रवाहाला दर्शवितो व दुसरे इंडीकेटर (दर्शक) इलेक्ट्रोस्टॅटीकचे काम चालू आहे कि बंद हे दर्शविते. तसेच इलेक्ट्रोस्टॅटीक चालू-बंद करण्यासाठी त्याला एका चावीची (key) सुविधा देण्यात आली आहे.

विद्दुत इलेक्ट्रोडची रचना यामध्ये विशिष्ट प्रकारचे विद्दुतरोधक मटेरियलला ठराविक पध्दतीने वापरण्यात आले आहे. त्यामुळे उच्च दाबाच्या विद्दुतप्रवाहाला आपण अर्थिंग पासुन लांब ठेवणे शक्य होते. त्याची विशिष्ट रचना पध्दती अभ्यासपूर्वक बनवली गेली आहे.

तथास्तु इलेक्ट्रोस्टॅटीकची काम करण्याची पध्दत व वैशिष्टे

तथास्तु इलेक्ट्रोस्टॅटीक ब्लोअरमध्ये इलेक्ट्रिक युनीटमधून उच्च दाबाचा विद्दुतप्रवाह तयार केला जातो. तो एका 50केव्ही विद्दुतरोधक वायरमधुन इलेक्ट्रोडपर्यंत पोहचवला जातो. इलेक्ट्रोडची रचना नोझलपासुन साधारण दीड ते दोन इंच अंतरावर गोलाकार पध्दतीत केलेली आहे. कंट्रोल युनिटला दिलेल्या चावीने युनिट चालु केले जाते. कंट्रोल युनिटवर एक सारखे चमकणारे लाईट बॅटरीचा पोहोचलेला विद्दुत प्रवाह दर्शविते, तर चालु-बंद होणारा लाईट इलेक्ट्रोस्टॅटीक चालु झाल्याचे दर्शविते.

इलेक्ट्रोडचा जो भाग विद्दुतरोधकापासुन खुला केलेला आहे, त्या भागापासुन इलेक्ट्रोस्टॅटीक क्षेत्राची सुरवात होते. त्या भागापासुन इलेक्ट्रोस्टॅटीक क्षेत्राची सुरवात होते. ह्या विद्दुत क्षेत्राचे आकारणान साधारण 6 ते 7 इंचापर्यंत तयार होते. नोझलमधुन निघणारा पाण्याचा थेंब ह्या इलेक्ट्रोस्टॅटीक क्षेत्रामध्ये प्रवेश करतो. कमीत कमी मायक्रोन आकारमानाच्या थेंबापासुन जास्तित जास्त 150 मायक्रोनच्या थेंबापर्यंतचे सर्व पाण्याचे थेंब ह्या इलेक्ट्रोस्टॅटीक क्षेत्रामध्ये चार्ज होतात. ह्या सर्व थेंबांचे सारख्या विद्दुत प्रभार म्हणजेच धन प्रभार तयार होतो व सर्व थेंब एकमेकांपासुन दुर लोटण्याचा प्रयत्न करतात. त्याच बरोबर त्याच्यामध्ये ऋण प्रभाराबद्दल तीव्र आकर्षण निर्माण झालेले असते. सारख्या प्रभारामुळे ते एकमेकांना चिकटत किंवा आकर्षिले जात नाही.

नंतर त्यांचे धुक्यासारख्या बारीक थेंबात रुपांतर होऊन ते तीव्र गतिने विरुध्द ऋण प्रभाराकडे आकर्षिले जातात. त्यांच्यामधिल ऋणप्रभारा बद्दलचे आकर्षण हे गुरुत्वाकर्षणाच्या 40 पटीने अधिक असते. त्यामुळे ते जमिनीकडे न आकर्षिता झाडाकडे आकर्षिले जातात. एकमेकांपासुन प्रतिकार्षणाच्या गुणधर्मामुळे झाडावर पडतांनाही हे एकमेकांपासुन प्रतिकार्षणाच्या ताकदीप्रमाणे विभागले जातात. एकमेकांपासुन प्रतिकार्षणाच्या गुणधर्मामुळे झाडावर पडतांनाही हे एकमेकांपासुन प्रतिकार्षणाच्या ताकदीप्रमाणे विभागले जातात. अगदी झाडांच्या दाट फांद्दांपर्यंत पोहचतात. तसेच पानांच्या पाठीमागच्या बाजूने देखिल जावून चिकटतात, तसेच फळांच्या सर्व बाजुने स्प्रेचा सारखा शिडकाव होतो. अगदी गर्दीच्या पानांपर्यंत नोझलमधुन निघालेला स्प्रे इलेक्ट्रोस्टॅटीकच्या मदतीने अगदी संपूर्ण झाडाला पोहचवला जातो. प्रतिकार्षणाच्या गुणधर्मामुळे स्प्रेईंगचे झाडावर ओघळ तयार होत नाही. तसेच एकमेकांवर थेंबाचे थरही साचत नाही. सर्व थेंब एकमेकांपासुन सारखे समप्रमाणात पसरले जातात.